Friday, September 17, 2010

Tulog Lamok

malamlam ang talukap ng 'yong mga mata
ultimo babagsak sa konting ugoy ng bisig ng ina't ama
ang iyong panuro'y patupat na kaagapay
sa hele at awit na kay tamis sinasambit

bumagsak na nga at napadpad na
ang iyong ulirat sa alapaap ng panaginip
ang katahimikang nababanaag sa anghel mong mukha'y
walang kapantay

ngawit at bigat ay di tagalan
nahimlay ng ikaw ay bitiwan
umasang mahaba at mahimbing
at may magagawang kabanata

uminat at humikab sabay pumikit
nagpasalamat sa muling paghimbing
kaunting kaluskos ikaw ay nagising
tulog lamok, tulog lamok halika na
ikaw ay bubuhatin

sa panulat ni Yellow Bells
ika-17 ng setyembre 2010 11:11 am

1 comment:

  1. Ah, ang nakikita ko ay imahe ng isang ina o amang mapagmahal...

    ReplyDelete

We love to hear your thoughts. Any comments, suggestions, violent reactions are welcome. We will try to reply to you as soon as we can.

Xoxo
Carla