Related Posts Plugin for WordPress, Blogger...

GO Pinay!

Maraming napapariwarang mga Filipina dito sa UAE, nakakaalarma ang tumataas na bilang ng mga nabubuntis at nakukulong dahil sa pakikipagrelasyon ng walang kasal at nang mga inaabuso. Maaring kulang sa kaalaman sa batas o di kaya nama'y kulang ang pagpapahalaga sa sarili bilang isang babae. Meron na mang inosente kaya inaabuso o di kaya'y nahuhumaling at napapagaya lang sa mga kaibigan. Malaki kasi ang pagkakaiba ng kulturang Pinoy sa kulturang Arabo ayon sa Editor-in-Chief ng Illustrado Magazine na si Lalaine Chu-Benitez. Sabi pa nya " maaaring ang katanggap-tangap sa Pilipinas ay labag dito sa UAE. Madalas na ang pagiging masyadong palakaibigan nating mga Pinay ay nabibigyan ng ibang kahulugan ng mga ibang lahing nakakasalamuha natin araw araw. Sa totoo lang masyadong nakakababa ng moral para sa iba sa atin na tumatahak ng tamang daan habang naririto sa ibang bansa. Nangyari na iyan sa isang kaibigan ko na minsan nang napagkamalan bilang isang bayaran habang naglalakad pauwi ng bahay galing sa trabaho. Sa takot nya ay kumaripas na lng takbo.

Kaya nararapat lang na pag-ibayuhin nating maitayo ang karangalan ng mga Pinay dito sa UAE. Isa sa mga gumawa ng aksyon ngayon ay ang Illustrado. Nag-organisa sila ng kapanya na kung tawagin ay "Pinays Take Charge." Isa itong kampanya na pag-ibayuhin at pataasin ang pagtingin ng mga Pinay sa kanilang sarili at pagandahin ang anyo ng Pinay sa mga banyaga. Matulungan tayong makaiwas sa mga di kanais-nais na pangyayari kung saan sangkot tayong mga kababaihan.Naririto sa ibaba ang "Pinay Take Charge Pledge". Mga paalala ito sa mga Pinay kung gaano tayo kahalaga bilang isang babae sa ating lipunang ginagalawan. 


Mga apat na libo na ang naki-isa sa kampanyang ito ng Illustrado, para sa mas mga mahahalagang impormasyon at kung nais ninyong maging bahagi maaari nyong bisitahin ang kanilang facebook page or di kaya ay ang kanilang pahina.